5:30 PM 11NOV18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 kagahapon sa hapon, walay bagyo apan adunay gibantayang Low Pressure Area (LPA) SULOD sa Philippine Area of Responsibility (PAR) nga anaa sa gilay-ong 440 km Sidlakan (East) nga bahin sa Hinatuan, Surigao del Sur alas 3:00 kagahapon sa hapon.
Ang Northern Mindanao apektado sa Trough sa L-P-A ug tungod niini maka-sinati sa madag-umon nga kalangitan inubanan sa katag-katag nga pag ulan. Ang Tail-end of a Cold Front dili direktang maka-apekto sa Northern Mindanao.
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa Northern Mindanao.
10:15 PM 11NOV18
Samtang matud usab sa CDRRMD nga basi sa pahimangno sa PAGASA ganihang 10:10 sa gabii, gi-wala na sa PAGASA ang tanang Thunderstorm Advisories sa tibuok Mindanao.
Walay pag ulan sa CDO karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
CDRRMD pabilin sa pag monitor.
