5:45 AM 24DEC18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) SULOD sa Philippine Area of Responsibility (PAR) nga anaa sa gilay-ong 80 km Amihanang-kasadpan (Northwest) nga bahin sa Cuyo, Palawan ganihang 3:00 sa buntag.
Ang LPA GAMAY ang posibilidad nga mahimong bagyo.
Ang Northern Mindanao dili apektado sa LPA ug Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Amihanan (North) maoy mo-resulta sa 0.6 – 2.1 meters nga balud sa kadagatan sa Northern Mindanao.
Madag-umon ngadto sa hinay (light) nga pag ulan ang nasinati sa Cagayan de Oro.
Madag-umon usab sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan sa Talakag ug Baungon.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
