4:50 AM 26NOV18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa Bagyong (Severe Tropical Storm) “TOMAS” anaa sa gilay-ong 1,410 km Sidlakan (East) nga bahin sa Aparri, Cagayan; kakusgong 110 kph; ug paglihok nga 10kph Amihanang-kasadpan (Northwest) ganihang 3:00 sa buntag. Ang Bagyong Tomas dili mo-landfall ug walay direktang epekto sa nasud.
Ang Northern Mindanao dili apektado sa Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Amihanan-sidlakan (Northeast) ngadto sa Sidlakan (East) maoy mo-resulta sa 0.6 – 2.1 meters nga balud sa kadagatan sa Northern Mindanao.
Walay natala nga pag ulan sa Cagayan de Oro karong orasa.
Mapanganuron ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Mapanganuron usab ang ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
