5:20 PM 24OCT18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 kagahapon sa hapon, walay bagyo o Low Pressure Area (LPA) SULOD sa Philippine Area of Responsibility (PAR) apan adunay gibantayang bagyo GAWAS sa PAR.
Ang Bagyong (Typhoon) “YUTU” anaa sa gilay-ong 2,450 km Sidlakan (East) nga bahin sa Luzon; kakusgong 185 kph; ug paglihok nga 20 kph Kasadpan Amihanang-kasadpan (West Northwest) alas 3:00 kagahapon sa hapon.
Ang Bagyong TY “YUTU” posibling mo-sulod sa PAR karong Sabado (October 27) o Domingo (October 28) apan GAMAY ang posibilidad nga mo-landfall sa nasud.
Ang Northern Mindanao dili apektado sa Intertropical Convergence Zone (ITCZ) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) maoy mo-resulta sa 0.6 – 2.1 meters nga balud sa kadagatan sa Northern Mindanao.
10:20 PM 24OCT18
Samtang matud usab sa CDRRMD nga basi sa pahimangno sa PAGASA ganihang 10:00 sa gabii, ang Northern Mindanao GAMAY ang posibilidad nga maka-sinati sa pag ulan, kilat ug pagpanalugdog (thunderstorms) sulod sa 6 oras.
Walay natala nga pag ulan sa CDO karong orasa.
Mapanganuron ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Mapanganuron usab ang ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
CDRRMD pabilin sa pag monitor.
