4:50 PM 05NOV18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 kagahapon sa hapon, walay bagyo o Low Pressure Area (LPA) sulod sa Philippine Area of Responsibility (PAR).
Ang Northern Mindanao nagpabiling apektado sa Intertropical Convergence Zone (ITCZ) ug tungod niini maka-sinati sa madag-umon nga kalangitan inubanan sa katag-katag nga pag ulan.
Ang ITCZ mao ang pagtabo sa hangin gikan sa Northern ug Southern Hemispheres duol sa equator. Kini nga pagtabo moresulta sa mga baga nga panganod nga gadala ug pag ulan, kilat ug pagpanalugdog.
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa Northern Mindanao.
1:30 AM 06NOV18
Samtang matud sa CDRRMD nga basi usab sa pahimangno sa PAGASA ganihang 1:05 sa buntag, ang ubang parti sa Misamis Occidental (Calamba, Plaridel,Baliangao,Concepcion) naka-sinati sa kasarangan (moderate) ngadto sa kusog (heavy) nga pag ulan inubanan sa kilat ug kusog nga hangin epekto sa thunderstorms sulod sa 1-2 ka oras.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
CDRRMD pabilin sa pag monitor.
