5:50 AM 21NOV18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa Bagyong (Tropical Depression) “SAMUEL” anaa na sa palibot sa Daram, Samar; kakusgong 45 kph ug paglihok nga 25 kph Kasadpang Amihanang-kasadpan (West Northwest) ganihang 4:00 sa buntag.
Ang Bagyo posibling mo-gawas sa PAR karong Biyernes (November 23) sa buntag.
Ang Northern Mindanao dili direktang apektado sa Amihan (Northeast Monsoon) apan maka-sinati sa madag-umon nga kalangitan inubanan sa katag katag nga pag ulan tungod sa Tropical Depression SAMUEL.
Kasarangan (moderate) ngadto sa kusog (strong) nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) maoy mo-resulta sa 1.2 – 3.1 meters nga balud sa kadagatan sa Northern Mindanao.
Gipanaog na sa Tropical Cyclone Warning Signal(TCWS) #1 ang Misamis Oriental; ug Camiguin.
Forecast Positions
– 24 Hour(Tomorrow morning): In the vicinity of El Nido, Palawan
– 48 Hour(Friday morning):480 km West Northwest of Puerto Princesa City, Palawan (OUTSIDE PAR)
– 72 Hour(Saturday morning): 775 km West Northwest of Puerto Princesa City, Palawan (OUTSIDE PAR)
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
