General Santos City—Dakpan sa Gipahigayong Buy-bust operation sa Police Station 1 ang usa ka welder nga nailang si Gilbert Baba, legal age, residente sa purok 1, Bo. Bla’an, Barangay Labangal, Gensan alas 10:21 ang takna sa gabie sa may Bulaong Avenue, Barangay North, ning syudad.
Subay sa tala sa Police Station 1, napalitan ug usa ka sachet sa gituohang shabu ang suspek sa usa ka police nga nagpakarong-ingnong poseur buyer gamit ang P500.00 nga mark money.
Si Baba ang gikaingong newly identified drug personality sa kapulisan. Una nang nakadawat ug impormasyon ang Police Station 1 bahin sa iligal nga gimbuhaton sa suspek mao nga gipahigayonan ug operasyon nga misangko sa pagkasikop niini.
Sa karon ang suspetsado ang balhog na sa selda sa Police Station 1, samtang nakatakda kining pasakaan ug kaso karong adlaw nga Lunes.
