Davao City – Magpadayon ang protesta sa Transmision-Piston Southern Mindanao Region aron babagan ang jeepney modernization program sa gobyerno nga gitakdang ipatuman na karong sunod tuig.
Sumala ni Transmision-Piston Davao Region spokesman Ricky Baron, dili sila moundang hangtod dili nila makab-ot ang ilang gitinguha kabahin sa maong isyu tungod kay ang mga pobreng driver ug operator, ang grabing maapektohan niini. Hinoon giklaro ni Baron, wala silay pagsupak sa jeepney modernization basta kay dili lamang maapektohan ang mga gagmay’ng driver ug operator ug dili monopulyohon lamang sa usa ka kapitalista.
Gawas sa diktador, mamahimo usab nga kriminal si Presidente Rodrigo Duterte tungod kay mawad-an sa panginabuhian ang mga driver ug operator kay wa nay ikapaeskwela ug ipakon sa ilang mga pamilya.
Samtang giklaro usab ni Baron sa higayong ipatuman ang PUJ modernization ug wagtangan sila ug prangkisa, magpadayon ang ilang mga lihok protesta hangtod mahimong welga ng bayan.
RadyoMan Bernard Pantallon
