Nagapanguna na ang Western Visayas sa pinakadamo nga kaso sang dengue hemorrhagic fever sa bug-os nga Pilipinas.
Sa datos sang Department of Health-Region 6, naglab-ot na sa 14,230 ang kaso sang dengue sa rehiyon kag 81 na ang napatay.
Nagapanguna ang probinsya sang Iloilo nga may 5,435 ka kaso, ikaduha ang Negros Occidental nga may 3,004, Capiz nga may 2,202 ka kaso, Aklan nga may 1,567, Iloilo City nga may 618, Bacolod City nga may 504, Guimaras nga may 493 kag Antique nga may 407.
Samtang sa mortality rate ukon ang napatay bangud sa dengue nagapanguna ang Negros Occidental nga may 21, ginsundan sang probinsya sang Iloilo nga may 20, Capiz nga may 14, Aklan nga may isa kag sa Iloilo City may anum, Aklan nga may apat kag tag-duha ka kaso naman sa Guimaras kag Bacolod City.
Ang DOH ang nagapahanumdum nga himu-on ang 4-s ukon search and destroy, self-protection measures, seek early consultation kag support fogging para mapalayo sa balatian nga dengue.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
