BACOLOD CITY – Natalana nga maga-abot sini nga Domingo, Pebrero 4 ang kapin sa 300 ka Filipino-Canadian agud nga mag-bisita sa Bacolod para isa ka tour nga ginatawag naman nga “ Winter Escapade. “
Mismo si Philippine Ambassador Canada – Petronila Garcia ang magapanguna sa group tour sa diin ang mga turista ang naghalin naman sa Edmonton, Toronto, Vancouver, Ottawa, Quebec, Calgary kag iban pa nga bahin sang Canada.
Lakip sa ila itinerary sang sa sulod sang tatlo ka adlaw nga pagbisita sang amo nga mga turista sa Bacolod amo ang pagkadto sa San Sebastian Cathedral, Bongbong’s Piaya factory, Vintage Glass Museum subong man sa St. John Nepomuceno Church, Resorts Negrense kag Merzci Piaya factory.
Magapadulong man ang grupo sa Bacolod City Government Center kag Negros Occidental Provincial Capitol.
Kalakip pa gid sa pagabisitahan sang amo nga mga Fil-Canadian tourist ang Victorias Milling Company, Lakawon Island Resort, isa ka heritage house sa Silay City, The Ruins sa Talisay subong man sa Mambukal Summer Resort sa banwa sang Murcia./dyHB BACOLOD
