Women’s Month Celebration pagatak-opon sa dakbayan sa Dapitan karung adlawa

Ipahigayon karung adlawa ang usa ka programa sa pagtak-op sa 2023 Women’s Month Celebration sa kagamhanang lokal sa dakbayan sa Dapitan didto sa Dapitan City Cultural and Sports Center. Usa sa highlight sa maong programa mao ang Search for 𝗚𝗜𝗡𝗔𝗡𝗚 𝗗𝗔𝗣𝗜𝗧𝗔𝗡 (Josephine Bracken Inspired) alang sa kasaulugan sa mga kababayen-an diin nagbaton kini sa pinili-ay online sa social media alang sa People’s Choice. Ang mga kandidata gikan sa lima ka units, nga sila Elsie Baguio Hamoy sa Unit I; Wendell Catibod Jamolod sa Unit II; Ma. Luz Hamo, Unit III; Rose Marie Caermare Abbot, Unit IV; ug Myrna Agolong, Unit V. Nasayran nga adunay FolkDance Contest ug Modern Dance ingon man Float Parade nga ipahigayon sa maong higayon. Ang nasangpit nga kalihukan gipangulohan sa City Social Welfare and Development Office (CSWDO) ubos sa pakigtambayayong sa Kalipunan Ng Liping Pilipina (KALIPI).