Gi welcome sa Xavier University Ateneo de Cagayan ang nahimong hukom sa Supreme Court batok kang Atty. Cresencio Co-Untian ang kanhi law professor sa maong tunghaan gumikan sa mga reklamong sexual advances sa iyang mga estudyante.
Basi sa gipagawas nga press statement sa Xavier University, nagbutyag nga September 5, 2002 aduna nay nasang-at nga reklamo batok kang Atty. Co-Untian sa Committee on Decorum, kinsa niadtong higayon nagsilbi kining part time faculty member sa College of Law.
Tungod sa maong reklamo, nahukman nga guilty si Atty. Co-Untian human nakalapas sa Anti Sexual Harassment Guideline sa maong tunghaan.
Alayon niini, wala na narenew isip part time faculty member si Atty. Co-Untian.
Alang kanila nga wala gi tolerate sa tunghaan ang susamang hinimoan ni Atty. Co-Untian busa sa tuig 2002 pa lamang mihimo na sila og intervention aron masulbad ang maong kaso.
Magpabiling committed ang Xavier University nga mapalig-on ang ilang formation program ug masunod ang protocol aron masiguro nga maka angkon sa conducive learning environment ang mga empleyado ug estudyante sa Xavier University nga layo sa unsa mang kahadlok, intimidation ug harassment.
