*Yours Truly iFM*
*August 10, 2020*
*With iDol DJ Kat And iDol Bruno Banana*
*(Photo from web / No Copyright Infringement)*
Dear iFM,
Maayong hapon mga idol!
Tawga niyo lang ako kay Cindy, indi ko matuod nga pangalan, dalaga kag naga-trabaho bilang isa ka OFW diri sa Hong Kong.
Nagsulat ako sa inyo mga idol kay wala na gid ako sang masugidan sang akon problema. Kinahanglan ko gid magpautwas sang akon nabatyagan kay galain gid ang buot ko.
Pulo na ako ka tuig diri sa abroad mga idol kag may ara naman ako napundar dira sa Pilipinas. Ang iban ginakuha sang akon mga utod pero ok man lang sa akon kay gusto ko man makabulig sa ila.
Kadamo naman sang nangaluyag sa akon pero wala gid ako sang may ginsabat bisan isa sa ila kay priority ko ang akon pamilya.
Ang ginalain sang buot ko mga idol kay sa kadamo na sang nahatag ko sa akon mga utod pero ni isa sa ila wala gid sang nakadumdom mag-chat para kumustahon ako o mamangkot man lang sang sitwasyon ko diri sa abroad.
Wala man gid ako naga-demand mga idol pero bisan amo lang na tani ang himuon nila para bisan papano mabuhinan ang kasubo ko diri sa abroad.
Ano ang maayo ko nga himuon?
Kinahanglan ko gid ang inyo advice.
Yours Truly,
Cindy
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
