𝟭𝟬 𝗠𝗔𝗚𝗦𝗔𝗦𝗔𝗞𝗔𝗡𝗚 𝗜𝗦𝗔𝗕𝗘𝗟𝗜𝗡𝗢, 𝗗𝗨𝗠𝗔𝗧𝗜𝗡𝗚 𝗦𝗔 𝗦𝗢𝗨𝗧𝗛 𝗞𝗢𝗥𝗘𝗔 𝗦𝗔 𝗜𝗟𝗔𝗟𝗜𝗠 𝗡𝗚 𝗦𝗘𝗔𝗦𝗢𝗡𝗔𝗟 𝗪𝗢𝗥𝗞𝗘𝗥𝗦 𝗣𝗥𝗢𝗚𝗥𝗔𝗠

‎CAUAYAN CITY – Dumating sa Jinan County nitong ika-sampu ng Marso ang unang batch ng re-entry Farmers para sa 2026 sa ilalim ng Seasonal Workers Program.

‎Binubuo ang grupo ng 10 magsasaka mula sa Isabela, kabilang ang apat na babae at anim na lalaki.

‎Sa kabuuang bilang, isang magsasaka ang nasa ikalawang kontrata, apat ang nasa ikatlo, dalawa ang nasa ikalima, at tatlo naman ang nasa ika-anim na kontrata sa programa.

‎Ayon sa ulat, pinaboran ang kanilang pagbabalik matapos silang irekomenda ng kanilang mga dating landowner dahil sa maayos na trabaho, disiplina, at pagiging maaasahan.

‎Dahil dito, muling nabigyan ng pagkakataon ang mga magsasaka na makapagtrabaho sa sektor ng agrikultura sa Jinan County sa South Korea.