Balete, Aklan – Tumba gid rong sangka 10-wheeler dump truck sa Sitio Bang-bang, Brgy. Feliciano, Balete kaina nga mga ala una 1:30 rong hapon.
Suno sa driver it dump truck nga si Remar Dusaran nga nadueaan raya it preno ag nahama pa sa kurbada ag paubuson nga parte it karsada.
Bangud sa nasambit nga aksidente hay nakaangkon eamang it minor injuries rong driver ag ro anang pahinante nga si Stephen Diron tanan hay residente it San Rafael, Iloilo.
Paadto kunta it Tapaz, Capiz rong nasambit nga truck tag matabo rong aksidente.
Sa makaron hay padayon pa rong imbestigasyon it Balete PNP sa nasambit nga insidente.
Facebook Comments
