10ID positibong ma-dismantle ang nag-inusarang Guerilla Front (GF) sa Region XI

38
Davao City – Tungod kay outnumbered na ang nahibiling mga New People’s Army ( NPA) nga naglihok sa Davao Region kumpyansa ang militar karon nga hingpit na gyud kining ma-dismantle.

Gibutyag ni Captain Mark Anthony Tito, 10th Infantry Division (10ID) Spokesperson, anaa na lang sa 9 ang nahibiling miyembro sa Weakened Guerilla Front (WGF) 18 nga anaa karon sa Davao Oriental human lima ang kumpirmadong namatay sa seryeng engkwentro niadtong Setyembre 11 ug 13 sa mga tropa sa 701st Infantry Brigade sa Barangay Mahayahay, Lupon ug Barangay San Vicente, Banaybanay, Davao Oriental.

Giila kini ni Tito nga sila alias “Buddy”, alias “Jumong”, alias “Bert”, alias “Mando” ug alias “Joshua”.

Nakarekober usab ang kasundalohan og 7 ka mga high powered firearms ug usa ka low powered firearms.

Matud ni Tito, kung hingpit na nga ma-dismantle ang nag-inusarang WGF 18 sa NPA mosunod usab ang proseso sa pagdeklara na sa entero Davao Region nga insurgency free.

“We are confident gyod that we are able to declare Weaked Guerilla Front 18 (WGF) dismantled before the deadline expires. Kumpyansa gyod ta nga with this significant accomplishment, nga katong panghitabo dako kaayo ang chance nga mupasar sa atong Area Clearing, Validation Committee nga ma-declare ang WGF as dismantled,” sumala ni Tito.



RadyoMaN Aimee Guinita

Facebook Comments