Balitang pagpangdagit sa dakbayan sa Pagadian usa lang ka tsismes matud sa kapulisan

23
Pagadian City – Walay basihan ug usa lamang ka tsismes ang balitang adunay nagapangdagit og mga tawo sakay sa usa ka puting van, kini ang giluwatang pamahayag ni Police Lt. Colonel Kesha Asaali ang hepe sa kapulisan sa dakbayan sa Pagadian.
Matud pa sa hepe nga human nilang nadunggan ang maong balita ilaha dayong giimbitahan ang usa ka opisyal sa dakbayan sa Pagadian aron sutaon pinaagi sa CCTV ug uban pang mga testigo aron masayran unsa ka tinood ang maong balita.
Migawas sa ilang pagsuta nga walay puting van ang nakita sa mga CCTV ug walay biktima usab ang nakita sa maong lugar ug nakuha lamang ang istorya pinaagi sa Facebook.
Panawagan karon sa hepe sa kapulisan sa dakbayan sa Pagadian ngadto sa mga nagpakatag og istorya nga undangon nalang kini aron dili usab mapanic ang mga katawhan ilabi na sa mga ginikanan ilabi na karong panahona nga mibalik na ang face to face nga klase.
Facebook Comments