Gipasigarbo ni Atty. Carlo Antonio Almerante ang 11 ka mga estudyante sa Liceo de Cagayan University kinsa bag-ong nakapasar sa Bar Examination nga gihimo sa Supreme Court.
Si Almerante, nga Presidente sa Integrated Bar of the Philippines kon IBP Misamis Oriental Chapter ug Dean sa College of Law sa Liceo, mi-ingon nga ilang dakong garbo ang ilang onse ka Law students nga nahimo nang bag-ong abogado ug mi-apil na sa IBP.
Matud ni Almerante nga sa ngalan sa Faculty ug Administration sa Liceo de Cagayan University dako ang ilang pasalamat nga wala magpa-ulahi ang Liceo sa pag-produce sa bag-ong mga abogado.
Gibutyag ni Almerante nga sa sunod tuig, ilang paningkamotan sa Liceo nga maka-produce gihapon sa bag-ong mga abogado nga mas daghan na sa mipasar sa Bar Exam sa milabayng tuig.
