Wala na naka-agwanta pa ang isa ka menor de edad nga babayi gani nagpangayo ini sang bulig sa mga utoridad matapos nga ini ang madugay na gali nga ginahimuslan sang iya man lang kaugalingon nga amay sa isa ka barangay sa banwa sang Murcia.
Suno sa Punong Barangay sang amo nga lugar nga nagahilibi-on nga nagpangayo sang bulig sa ila ang 13-anyos nga biktima nga babayi matapos nga sining karon lang liwat ini nga ginhilabtan sang iya amay.
Nagsaysay ang amo nga biktima nga 8 pa lamang siya ka tuig sang ginsuguran siya nga luguson sang iya tatay ukon lima ka tuig na kag wala lang nagapanugid sa iya iloy bangud sa kahadlok kag bangud nga wala man ini sa ila balay kay ini ang naga-trabaho sa Bacolod.
Bangud sini, gilayon nga nagpadulong sa balay sang biktima ang mga utoridad kag gindakup ang suspek nga nag-ako nga iya gid man ginhimuslan ang iya bata.
Madumduman nga ang banwa sang Murcia amo ang may pinakadamo nga kaso sang rape nga natabo humalin Enero tubtub November 18, 2019 base sa record sang Negros Occidental Police Provincial Office.
[image: image.png]
