130 ka single motor kag tricycle ginkustodiya sang Sultan Kudarat Pnp kabahin sang Oplan Bitag Sasakyan batok carnapping.

Ginpaidalom sa kustodiya sang Sultan Kudarat Highway Patrol Group ang 130 ka mga single motor kag tricycle sa ginpatigayon nga Oplan Bitag Sasakyan batok sa kaso sang carnapping ukon motornappping sa nasambit nga probinsya.
Suno kay Sultan Kudarat Police Provincial Director Senior Supt. Raul Supiter, ipaidalom sa verification sang HPG ang nakumpiskar nga mga salakyan para mahibaluan kon may biktima sang carnapping partikular na sa mga indi kumpleto nga dokumento.
Ang nasambit suno pa programa ang joint effort sang PNP, HPG kag LTO bilang intervention para matapna ang kaso sang carnapping sa probinsya kag matutukan suno pa ang mga grupo nga nakilala na sang kapulisan.
Dugang pa ni Supiter nga nagbutang naman sila sang checkpoint sa mga boundary sang probinsya partikular na sa Esperanza, Lambayong kag sa President Quirino para mabantayan suno pa ang hulag sang mga kriminal kag terorista nga nagagwa-sulod sa probinsya.