General Santos City—- Mibisita si Vice President Leni Robredo sa Lake Sebu, South Cotabato isip nag-unang bisita sa gipahigayong Young Educator Summit kung asa kini ang unang higayon nga kini gihimo sa probinsya.
Kauban niini si Youth Commission Assitant Secretary Ronald Gian Carlo Cardema aron nga makita usab ang sitwasyon sa mga kabataan sa probinsya.
Apan ayha pa man ang maong aktibidad gibisita una niini ang South Cotabato Indigenous Women Weaver human nga iyahang gisaaran nga bisitahon higayon nga makabisita sa rehiyon 12.
Pag-angkon sa Bise Presidente nga nailhan ang nasangpit nga mga kababaihan gumikan sa natad sa ilahang expertise sa paghabi ug iyahang gisuta kung unsa nga tabang ang iyahang mahatag aron nga mas mapalambo pa dili lang ang ilahang produkto kundili lakip na ang ilahang kultura.
Dugang pamahayag ni Vice President Robredo nga ang maong produkto sa mga weavers ang dili lang pagpakita sa ilahang kahanas, kundili nagpakita usab kini sa importansya sa ilahang kultura.
