Buruanga, Aklan – Gindeklara it Regional Oversight Committee on Barangay Drug-Clearing Operation rong banwa it Buruanga bilang “Drug Cleared” sa bilog nga probinsya it Aklan.
Sa 15 ka mga barangay, 7 kara rong bukon it apektado kung sa siin raya ro mga kabaranggayan it Bel-is, Cabugan, El Progreso, Habana, Panilongan ag Tag-osip samtang 8 mat-a rong apektado nga barangay ag raya hay ro kabaranggayan it Alegria, Balusbos, Katipunan, Mayapay, Poblacion, Nazareth, Santander ag Tigum kung sa siin gindeklara man dayon nga “Drug-Cleared Barangays” matapos rong deliberasyon it Regional Oversight Committee sa Iloilo ko nagtaliwan nga Abril 19, 2018.
Ko Setyembre 17, 2018, gin release ni Hon. Concepcion P. Labindao, Municipal Mayor it Buruanga sa mga Punong Barangays rong kopya it certification nga nagapakita nga rong kada barangay hay nagsunod sa criteria it drug-cleared barangays nga makita sa in Section 8 it Dangerous Drugs Board Regulation No. 3, Series of 2017, otherwise known as “Strengthening the Implementation of the Barangay Drug-Clearing Program”.
Ro nasambit nga certification hay gin issue man it Oversight Committee on Barangay Drug Clearing Operation, Region 6 (Western Visayas) halin sa PDEA Region 6 paadto sa mga LGU ko Abril 19, 2018.
Ginkalipay man ni PSInsp. Willian N. Aguirre, Chief of Police it Buruanga MPS nga paagi sa pagtinguha it banwa nga punggan rong pag-eapnaag it illegal nga droga hay naangkon nanda raya ag pinaagi man sa bulig kung MADAC, BADAC ag mga Buruanganon sa koordinasyon it PDEA.
Dugang pa nana nga bangud man sa inisyatibo it istasyon ag pinaagi ginatawag nandang BAKLAD ukon (Buruanganon At Katokhang Laban at Ayaw sa Droga) kaibahan ro MLGOO, MSWDO, MHO hay nahakimo sanda it epektibo ag manami nga Community Based Rehabilitation Program.
