Patay ang usa ka 17-anyos atol sa gipahigayong buy-bust operation sa kapulisan sa area sa Barangay New Iloilo, Tantangan, South Cotabato pasado alas 11:00 sa gabii.
Giila ang suspek nga si alyas Cyrus, residente sa Brgy. Libas sa maong lungsod.
Gikaingong misukol matud pa ang 17-anyos sa mga otoridad mao nga napusilan kini sa kapulisan.
Mokabat sa 14 ka igo sa bala ang naangkon sa suspek ngadto sa nagkadaiyang parti sa iyang kalawasan nga hinungdan sa iyang hinanaling kamatayon.
Hustisya usab ang singgit sa pamilya sa suspek human sa gidangatan niini.
Nasayran nga dili makatuo ang pamilya sa suspek nga misukol ang nasangpit sa kapulisan sanglit wala matud pa kini gihuptang armas.
Facebook Comments
