Nagdangat sa kabug-usan nga 17 million 7,488 pesos ang kahalitan sa pananum nga gintuga sang nagluntad nga flashflood sa pila ka bahin sang probinsya sang Negros Occidental.
Ini ang base sa consolidated report nga ginpagwa sang Provincial Agricultures Office angut sa halit nga gintuga sa pananum sang humay, mga high value crops lakip na ang mga punong (fishponds).
Sa bahin sang halit sa humay ini ang naglab-ot sa kabug-usan nga masobra 11.5 million pesos, sa high value crops, ang halit nagdangat sa masobra 2.6 million.
Samtang sa fisheries, partikular sa mga punong, may masobra 17 million pesos ang kahalitan nga gintuga sang nagligad nga pagbaha.
Angut sini, ginpahayag ni Provincial Agriculturist, Atty. Japhet Masculino nga may kabilugan nga 3,070 ka mga mangunguma kag tag-iya sang mga fishponds ang naapektuhan sang baha nga natabo halin Disyembre 26 , 2020 tubtub Enero Uno, 2021.
[image: image.png]
