Nagdangat sa 1,786 ka mga public market vendors ang nagpaidalum sa surveillance testing, Oktubre 10.
71% ini sa ginbulubanta nga numero ni Executive Assistant Ernie Pineda nakaligad nga semana nga posible maglabut sa 2,500 tubtub 2,600 ka mga manugbaligya sa tatlo ka mga merkado ang mapaidalum sa swab testing.
Ginpahayag naman ni City Administrator Em Ang nga tinutuyo sang surveillance test para mahibalu-an kon sin-o nga mga market vendors ang positibo sa Covid-19 agud malikawan ang local transmission.
Apisar sang ginpatigayon nga rally sang mga vendors kag ang pagpamatuk sang pila ka mga lideres sang market vendors nakaligad nga semana, ginakabig sang syudad nga nangin madinalag-on ang nasambit nga pagpa-test sa mga manugbaligya.
[image: image.png]
