Davao City – Mas gipakusgan karon sa Davao City Police Office (DCPO) ang ilang operasyon human gipabalik ang ‘Oplan Tokhang’ sa pagpakgang batok iligal nga droga.
Sa datos sa DCPO sukad niadtong Enero petsa 12 sa kasamtangang tuig, aduna nay 15 ka buy bust operations, 18 ang arestado ug duha na ka na-neutralisa human nisukol sa mga pulis.
Sumala ni DCPO Spokesperson Police Senior Inspector Maria Teresita Plaza Gaspan nga motuman lang ang kapulisan sa ensaktong procedure sa anti-drug operation.
Subling nagpahinumdom si Gaspan sa tanang kapulisan nga mosunod lang sa mga bag-ong guidelines nga gipa-implementar.
Giingon ni Gaspan nga sa pagbanhaw sa ‘Oplan Tokhang’, posibleng madungagan ang ihap sa mga drug dependents nga mopailawom og rehab.
RadyoMaN Don Pulayao
