Depression ang hinungdan sa paghikog patay sa usa ka 19 anyos nga dalaga sa Barangay 13 ning syudad.
Matud ni Police Lt. Maochin Zayas, ang Deputy Police Station Commander sa Police station 1 Divisoria, naila ang biktima sa pangalang ‘’ERICA’’.
Dugang pa ni Lt. Zayas nga nakit-an ang biktima nga nagbitay sulod sa CR sa ilang balay dihang nadiskubrihan sa iyang step father.
Nasayran nga naghikog ang biktima pinaagi sa paghikot og straw sa iyang liog kinsa gipilo pa sa ikaupat ka higayon aron nga mahimong lig-on.
Nagbuhat pa og suicidal note ang biktima sa iyang amiga nga ginganlan og ‘’Kang’’ pinaagi sa messenger.
Unod sa mensahe nga gikapoy na kini sa balik-balik ug walay ka undangan nga sitwasyun.
Nahisgutan usab niini nga tungod kay gipatay na siya sa iyang hunahuna, hinungdan nga iya nalang usab kining himoon sa tinuod nga kinabuhi.
Matud ni Police Lt. Maochin Zayas sa Police Station 1 Divisoria, nga walay foul play ang kamatayon sa biktima.
