196 ka bag-o nga kaso sang COVID-19 nagdugang sa Western Visayas subong nga Sabado

13

Naglab-ot naman sa 196 ang nadugang sa listahan sang DOH-6 sa mga natapikan sang COVID-19 sa Western Visayas subong nga Sabado.

Sa karon nagsaka na sa 13,416 ang kabug-usan nga kaso sang COVID-19 sa rehiyuon 6 kon sa diin 3,849 diri ang active cases.

Base sa COVID-19 case bulletin 197 nga ginpaguwa sang DOH-6,May pinakamadamo nga bag-o nga kaso ang nalista sa Negros Occidental nga may 56, ginasundan sang syudad sang Iloilo nga may 47, syudad sang Bacolod nga may 32, probinsya sang Capiz may 27 kag probinsya sang Iloilo nga may 26 ka kaso.

Nag-ayo naman sa balatian ang dugang nga 112 ka pasyente kabangdanan naglab-ot naman sa 9,244 ang mga nakarecover.

Nagsaka naman sa 323 ang mga napatay sa nasambit nga balatian sa rehiyon 6 matapos 7 pa ka pasyente ang ginbawian sang kabuhi.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments