2 babae angol human ma-hit & run, driver ni-surrender sa PNP

38
Davao City – Angol ang duha ka mga babae human kini giingong ma hit and run og kotse pasado alas-12 sa kadlawon kaganiha sa may Bonifacio St. corner Aurora St. ning syudad sa Davao.

Gidala sa Davao City Central 911 ang duha ka mga biktimang giilang sila Chad Elejorde Viduya ug Gizell Valmoria Elican, MMA fighter parehong mga taga-Mangagoy, Bislig City.

Sa interbyu sa RMN Davao sa usa sa mga kauban sa mga biktima nga pasakay na unta ang ilahanga grupo sa service diin gikan usab sila’g lantaw og Mixed Martial Arts (MMA) fight sa iflex dihang nahitabo ang hit and run.

Gisulayan pa nila’g gukod ang itom nga kotseng nakaligis sa mga biktima apan wala na kini nila maapsi ug nakuha nila ang plate number niini nga LMM-591.

Daling gidala sa SPMC ang duha ka mga angol ug ginapaabot usab ag resulta sa X-ray.

Samtang, gibutyag ni Sta. Ana PNP Station Commander PMaj. Jake Goles nga bolontaryong nisurrender kaganihang alas-6:00 sa buntag ang driver nga giilang si Roel Anthony Reyes, 35 anyos.



Nag-match usab ang plate number sa sakyanan niini nga kasamtangang nakakustodiya sa Pnp subay sa description sa mga saksi sa insidente.

Nidumili na sa pagpainterbyu ang driver apan gipasalig niini nga abagahon ang mga medical expenses sa mga biktima.


Samtang, matud ni Goles mamahimong mag-atubang ang driver og kasong reckless imprudence resulting to serious physical injury kung iduso kini sa mga biktima.

Sa pinakaulahing pagpanubay sa atong team sa maong balita wala pay nahitabong panagsabot kung mag-sette ang duha ka kampo.

RadyoMaN Aimee Guinita

Facebook Comments