2 ka mga big time drug pushers, nasikop sa kapulisan!

97
Mga dinakpang suspetsado sa pagpayuhot sa iligal nga druga. Photo by: RadyoMaN Anne Jane Duhaylungsod

Duha ka mga big time drug pushers ang nasikop sa ka kapulisan sa Brgy. Kauswagan ning syudad.  Mao kini ang gikumpirma ni Police Lt. Sanny Kling, ang Team Leader sa Special Operation Unit 9 sa Drug Enforcement Unit Group.

Kini human nga makumpiska ang mokabat sa 3.4 milyon pesos nga balor sa illegal nga druga gikan sa mga responsable.

Matud ni Lt. Kling, naila ang mga suspek nga sila si Ian Von Alegria, 43 anyos, minyo taga Barangay Burgos del Pilar street ning syudad ug Hanna Reina Calub Ledon, 30 anyos, minyo nga taga Baloy, Barangay Tablon.


Nasayran nga si Ledon adunay live in partner sulod sa Lumbia City Jail tungod sa violation sa 9165 ug ang kini ang nagsilbi isip ga-kontrol sa dula sa sulod. Dugang pa ni Kling nga si Ledon ang gabuot kung asa i-deliver ang mga drugas, tigdawat sa kwarta ug uban pa.

Samtang, ang trabaho sa lalaking suspek nga si Ian Von Alegria, mao ang transporter.

Nagpadayon pa hangtud karon ang ilang imbestigasyon mahitungod sa maong operasyon tungod adunay mga sindikato nga ga-operate gihapon bisan anaa na sa sulod sa Lumbia City Jail.



Dugang pa ni Lt. Kling nga anaa gihapon kini  mga contact sa gawas aron magpadayon ang ilang operasyon.

Facebook Comments