*General Santos City*—mukabat ngadto sa duha ka pag panungab ang natala sa kwerpo sa kapulisan nga nahitabo sa usa ka sikat nga imnana sa syudad sa Heneral Santos partikular na ang Explore bar ganihang kabuntagon.
Unang nadala sa balay tambalanan ang biktima sa pag panungab nga si Gabriel Diana 18 anyus ug nanimuyo sa barangay Lagao ning syudad human nga na dungaban kini sa wala mailhing suspect sa iyahang kamot alas 4:35 ang takna sa ka adlawon.
Sumala pa sa biktima nga na damay lang matud pa kini sa away sa duha ka mga grupo ug na alangan nga kauban sa usa ka grupo hinungdan nga gi dungab.
Samtang naka angkun usab ug 6 ka samad dinungaban sa iyahang lawas ang usa ka Angelbert Villaspin 22 anyus nga lumulopyu usab s Prk. Maligaya, Zone I, barangay Buayan ning syudad human nga gi atangan kini sa gawas sa explore samtang pagawas na kini human ug inom.
sumala pa nga pa gawas na sa nasangpit nga establisyemento ang biktima alas 5:55 ang takna sa kaadlawon aron nga mamauli sa ilahang panimalay apan wala niini damha nga atangan kini sa mga suspect ug didto gi dungab kini.
Sa karon nag padayun pa nga gi imbistigahan sa police station 3 ang duha ka saunod nga pag panungab nga nahitabo gawas sa maong imnanan.
