2 ka taga Gensan, patay sa pagpanunggab

18

General Santos City–Nagpadayon sa kasamtangan ang gihimong imbistigasyon sa Maasim Municipal Police Station sa nahitabong pagpanunggabs a may purok 6, Hill Top, Barangay kabatiol, Maasim, Sarangani Province nga gikamatay sa duha ka mga biktima.

Mga biktimang namatay giilang si Diosdado Vasquez, hingkod ang pang idaron nga taga Purok 4, Lanton, Barangay Apopong, Gensan ug John Ryan Sentina, 34 anyos nga taga Recto, Barangay North, Gensan.

Sumala ni Police Chief Inspector Marcelo Mendoza, hepe sa Maasim PNP nasuta nga ayha nahitabo ang pagpanunggab, nag inum matud pa ang duha ka mga biktima u gang suspek nga si Tata Brigoner nga taga Maasim, didto mismo sa mugar. Dihang nahubog didto na naglalis nag mga nasangpit nga misangko sa pagpanunggab.

Dugang pagbutyag ni PCI Mendoza nga human sa pagpanunggab, paspas nga misibat ang suspek sa wala sayring lugar. samtang ang duha ka mga biktima gidala pa sa Maasim, Municipal Hospital apan gideklara na kining dead on arrival.

Nasayran nga nakaangkon ug daghang samad sa lawas ang duha ka mga biktima nga hinungdan sa ilang kamatayon. Sa karon ginaandam na sa kapulisan ang pagpasang-at ug kaso batok sa suspek nga nagtago-tago hangtod sa kasamtangan.

Facebook Comments