20-anyos nga daeaga ginhulikap samtang sa sueod it van, suspek nga nagpakilaeang operatives it Phil. Army arestado

18

Ibajay, Aklan — Arestado rong sangka eaeaki nga nagpakilaeang operatives it Philippine Army matapos nga hulikapon ro anang kasakay nga daeaga sa van paadto it Caticlan kahapon.
Rong suspek nakilaea kay Jay Tilos, 48-anyos, tubong Tigbuan, Iloilo ag temporaryo nga naga istar sa Brgy. Balusbos, Malay, samtang rong daeaga hay sangka 20-anyos.
Base sa panaysayon it daeaga nga nahakatueogan imaw samtang naga biyahe rong van halin Kalibo paadto it Caticlan pero anang nahabatyagan nga may naghulikap kana ag sa anang pagtan-aw hay idto eot a rong alima it suspek sa anang pribadong parte it eawas.
Suminggit rong biktima rason nga nabulabog rong tanan nga pasahero ag bangud kara hay eomompat rong suspek sa van nga ginasakyan sa may parte it Aquino, Ibajay.
Nahadakpan rong suspek matapos nga magbulig rong mga Barangay Tanod it Brgy. Aquino ag sa pag rekisa sa suspek nahabue-an pa raya it 45 pistol nga baril kung sa siin uwa it nagakaigo nga papeles.
Magapangatubang it kasong pagbayolar sa Comelec Resolution 10466 ukon Comelec Gunban.

Facebook Comments