Gipasakaan na og kasong illegal possession of firearm ang usa ka 20 anyos nga lalaki human nasapong naglabay og armas.
Kini ang gikumpirma ni Police Supt. Ariel Philip Pontillas, Chief of Police sa Gingoog City Police Station sa interview sa dxCC-RMN.
Suspek mao si Ivan Bustillo Canionio, ulitawo ug taga Purok 1-B, Barangay 19, Gingoog City.
Si Canionio nasapong naglabay og improvised handgun o sumpak mga alas 12:10 sa tungang gabie niadtong Biyernes.
Nasayran nga nakasibat ang laing pito ka mga tawo human nadunggan sa mobile patrollers ang buto sa armas gikan sa nasangpit nga lugar.
Facebook Comments
