24 panibag-o nga nagpositibo sa HIV sa South Cotabato sang bulan sang Enero.

May-yara sang 24 ka panibag-o nga kaso sang nagpositibo sa balatian nga HIV dire sa probinsya base sa ginpatigayon nila nga screening sang bulan sang Enero subong nga tuig, suno kay John Codilla, Infectious disease coordinator sang Provincial Health Office sang South Cotabato.
Indikasyon lamang sini suno pa nga nagadamo ang ila nga kleyenti sa HIV/AIDS Core Team Clinic kag ang importante suno pa nga indi mahadlok tungod may-yara sang anti-retroviral nga mapalawig pa ang kabuhi.
Sa subong suno kay Codilla nagaaverage sila sa 50 ka mga kleyenti nga nagapadulong sa HACT clinic.
May-angot sini, iya ginaawhag ang tanan nga magpaidalom gid sa HIV testing tungod libre naman kag nagatanyag ang HACT clinic sang one stop shop nga serbisyo.