Kalibo, Aklan – Pursigido nga magpasaka it nagakaigo nga kaso rong pamilya it sangka 25-anyos nga babaye nga may kakueangan sa pag-isip nga gina alegar gin himuslan it anang ka chat mate ag ka text mate ko Huwebes it gabii.
Sa pakikipag-angot it RMN DYKR Kalibo sa bayaw it biktima nga ko Huwebes it agahon hay nag-eaong mat-a ro biktima nga mag guwa ay makipagkita sa anang ka chat mate.
Ro ka chat mate it biktima hay nakilaea eamang kay alyas Joseph, sangka baker ag taga syudad it Roxas.
Ugaling tag idto eon imaw sa guwa it baeay imaw hay ginsampit imaw nga magsakay it tricycle hasta sa terminal ag nagsakay pa gid dayon it tricycle paadto sa sangka lodging house iya sa banwa it Kalibo ag ginhimuslan.
Gabii eon it Huwebes hay uwa ta gihapon naka uli rong biktima ag nagakabangat eon ro anang pamilya ag anda raya nga gin usoy ag anda nga gina text.
Nagasabat man suno kana ro biktima pero ro reply hay idto sanda sa Gaisano City sa Roxas naga warang nga ko ulihi nasayuran sa biktima nga iya mlng sanda sa Kalibo ag gina sugo eamng imaw it suspek kon ano ro anang I-reply.
Anda man nga gintawagan rong suspek pero nagapamalibad raya nga kaibahan nana rong biktima ag nag-uli eon imaw sa Roxas.
Bangud sa pag ilinusoy nakaabot pa it Roxas rong pamilya ko biktima kung sa siin nasayuran nanda sa lugar it suspek nga raya hay may asawa ag may 6 ka mga unga.
Maabo man rong reklamo kuntra kana kapareho man kara nga anang ginakita ro anang mga ka chat mate ag gina himuslan.
Ginhambaean pa it suspek ro biktima nga ihatod pauli ugaling ana eamang raya nga ginpasaky sa tricycle.
Sa makaron hay una eon sa Womens and Childrens Protection Desk (WCPD) it Kalibo PNP rong kaso ag nagapadayon rong imbestigasyon sa posible nga pagka aresto sa suspek.
