Muabot sa Php792,880 ang kantidad sa iligal nga droga nga nasakmit sa awtoridad atol sa malampuson nga gipahigayong buy bust operation sa Purok Nagsil Village, Barangay Centro Agdao, Davao City, September 25, 2024.
Sa report sa Sta. Ana Police Station, giila ni Police Major Richeen M. Lagnayo, Acting Station Commander ang tulo ka mga Street Level Individual ug usa ka High Value Individual (HVI) nga mao sila alyas “Justin” 24 anyos, alyas “Jen” 20 anyos, alyas “Jomar” 28 anyos ug alyas “Christian” 26 nga puros mga residente sa nasampit nga lugar.
Gawas sa gituohang shabu nga gibana-banang motimbang og 116.6 gramos nakuha usab ang duha ka lighter, itom nga pitaka ug buy-bust money nga gigamit sa operasyon.
Kasong paglapas sa RA 9165 o Comprehensive Dangerous Drugs Act of 2002 ang atubangon sa mga suspek.
RadyoMaN Kareen Beltran
Facebook Comments
