Kalibo, Aklan – Kapin sa 32 ka mga specimen samples rong nakataeana nga pagakolektahon makaron nga adlaw para sa COVID-19 testing.
Raya rong ginpahayag ni Dr. Cornelio “Bong” Cuachon Jr., Provincial Health Officer I it PHO-Aklan sa pakikipag-angot it RMN DYKR Kalibo.
Suno kay Dr. Cuachon nakataeana makaron nga adlaw rong 6 ka mga nagpositibo sa COVID-19 sa repeat samples matapos nga sanda hay nagtapos eon sa 14 days nga hospital quarantine.
Mag eowas sa 6 ngara hay may una pa nga 17 ka Persons Under Investigation (PUIs) matapos nga sanda hay magmayad eon.
May 4 ka contact rong nagpositive sa Pandan, Antique matapos nga imaw ra hay naghapit pa sa Mercury Drug sa banwa it Ibajay.
May 5 ka mga doctors nga halin sa syudad it Iloilo man rong pagabue-an it samples bilang pagsunod sa protocol nga sanda hay maga 14 days quarantine hay igapakamayad eon lang nga bue-an sanda.
Ro mga samples hay pagadaehon man dayon hin-aga sa Western Visayas Medical Center (WVMC) para ma-examine.
Sa pihak nga party, kon mag negatibo rong 6 ngara hay pwede eon sanda ma-discharge ag ma-label bilang recovered pero rong proseso hay padayon gihapon sanda nga maga quarantine sa sueod it daywang dominggo ag maga repeat pa gid sa specimen examination.
Sa makaron hay gina una anay ro mga priority, samtang ro mga frontliners hay iga priority man sa igapatigayon nga “Exapanded Testing for COVID-19”.
