34 anyos na trabahante nakuryentihan-patay sa Surigao City Tagkilaya an biktima na si Julious Roxas Plandano, 34 anyos, tigtaud nan tubo ug residente sa P. Reyes Ext., Brgy. Taft, Surigao City. Sa sumbong sa nakasaksi na si Generoso Combestra, mga alas 9:00 sa buntag kahapon samtang didto sila sa bag-ong tagtukod na building nan Surigao Norte National High School sa Peneranda St., ija nakit-an si Plandano na nag-inkod sa may taas nan Comfort Room, ini may gilajuon na 2 metros sa ija napahimutangan samtang nagdajaw sija sa isa sa mga door knob sa pertahan sa 2nd floor nan building, kalit lamang na nahuyog an biktima ug mipadayag nan pulong na nakuryentihan sija. Si Plandano an sumaya pa tagdali nila pagdaya sa Caraga Regional Hospital pero tagdeklarar na dead on arrival (DOA).
