*Polomolok, South Cotatabo— Patay ang usa ka 4 anyos nga batang babaye human kining gilugos ug gipatay sa iyahang kaugalingong igsuon nga nailang si alyas Rot-Rot, 16 anyos nga residente sa Prk. Malabarbas, Brgy. Poblacion, Polomolok, South Cotabato.*
*Ang biktima gitago lang sa ngalang alyas Angel, 4 anyos nga residnete sa polomolok, sout cotabato.*
*Sa imbestigasyon sa kapulisan, mibisita ang suspek sa panimalay sa biktima kung asa kini maoy gitugyanan nga magbantay una sa nasangpit.*
*Apan alas 4 ang takna sa hapon kagahapon, dihang gidala niini ang biktima sa creek nga bahin ug nagdulom matud pa ang iyahang panan-aw rason nga iyahang nahimo ang paglugos sa biktima ug iyaha kining gipatay pinaagi sa pagsampong sa ilong.*
*Dihang nasayran nga wala nay kinabuhi ang biktima, iyaha kining gisulod sa sako ug gihigtan dayon mipauli pa sa balay sa biktima.*
*Sumala kang Police Superintendent Josemarie Simangan, hepe sa polomolok PNP nga miuban pa ang suspek dihang nagpa-blotter ang ginikanan apan nakumbinsi matud pa kini sa Prk. Chairman ug mitug-an human nasayran nga kini maoy uwaheng kauban sa biktima.*
*Alas 11 na sa gabii dihang narekober ang patay’ng lawas sa biktima sa lugar kung asa niini gihimo ang krimen.*
*Sa karon, ang suspek ang gikatakda ng i-turn over sa DSWD apan magdepende matud pa sa pagsutra kung mamahimo kining mapasakaan ug kasong rape with homicide.*
