Numancia, Aklan – Arestado rong ap-at ka mga persona matapos nga maaktuhan ag madakpang naga sugae it pusoy kahapon it hapon sa Brgy. Camanci Norte, Numancia, Aklan.
Suno kay PO3 Felizardo Navarra Jr., nga nakabaton sanda it impormasyon nga may nagapatigayon it pagsugae sa area ag insigida gin respondehan ag nadakpan ro mga persona (naghinyo nga indi eon sanda paghingadlan).
Na recover sa area rong sangt set it baraha ag kwarta nga naga balor it P 432.00 pesos.
Nasayuran nga una eon sanda ra nga ginpaandaman bangud nga nakabaton eon it impormasyon rong kapulisan ugaling nag padayon sa gihapon.
Sa makaron hay detained sa lock up cell it Numancia PNP rong ap-at ag nakataeana nag iga inquest makaron sa kasong pagbayolar sa P.D. 1602 ukon Anti-Gambling Act.
Nagpaandam man si PO3 Navarra sa iba pang mga nagapatigayon it pag sugae-sugae nga kung pwede hay pundohon eon bangud nga sambilog sa anda nga ginatutukan makaron hay rong iligal gambling.
