KALIBO, AKLAN — Magapangatubang it sari-saring kaso rong ap-at ka mga persona matapos nga magtuga it gulo sa Sitio Pinaungon, Balabag, Boracay ko nagtaliwan nga gabii.
Rong mga suspek nakilaea kanday Rodley Gabinete, 38-anyos it San Jose Romlon; Nataniel Gareza, 34-anyos it Novaliches, Quezon City; Kim Nikki Maming, 24-anyos it Andagao, Kalibo, Aklan ag Faith Maming, 22-anyos it Kalibo, Aklan.
Illegal Possession of Fire Arms ang Illegal Discharge of Fire Arms ro kasong pagapangatubangon ni Gebinete, Illegal Possession of Fire Arms man ro ay Gareza, Direct Assault mat-a ro ay Nikki Maming ag Obstruction of Justice mat-a ro ay Faith Maming.
Sa report it Boracay Tourist Assistance Center (BTAC) nga nakabaton sanga it report halin sa lugar nga may una nga nagapinaeopok it baril ag anda man eagi nga gin respondehan sa pagpanguna ni PSI Mark Anthony Gesulga kung sa siin naabutan nanda si Gabinete nga nagpaeopok it baril.
Matapos nga mapan uhan ro mga pulis dumaeagan raya paadto sa mga naga inuman ag idto ginpilak rong baril ag sa pagpangusisa it mga kapulisan hay idto nakita ro calibre 45 nga may daywa ka bala.
Sa pag-usisa pa gid sa iba nakita man sa hawak ni Gareza ro calibre 45 nga may an-um man ka bala.
Gin aresto ro nasambit nga mga suspek kung sa siin ginhambaean pa ni Nikki Maming si Gesulga it g-g- ka. Kamana man gin baeabagan mat a ni Faith Maming ro mga pulis sa pag aresto.
Ko ulihi naka recover pa gid ro mga kapulisan it sangka sling bag nga may sueod nga 3 ka mga magazine nga may 23 tanan ka mga bala it calibre 45 ag 6 tanan ka mga fired cartridge it calibre 45.
Detained makaron rong ap-at sa lock up cell it BTAC.
