4 KA MGA POLICE TRAINEE SA REHIYON, NAGPOSITBO SA COVID 19

17

General Santos City— Mokabat sa upat ka mga police trainee sa rehiyon 12 ang nagpositibo sa Covid-19. Kini ang gikumpirma ni Police Lt. Lino Capellan, tigpamaba sa Police Regional Office 12.
Sumala niini, sa kasamtangan anaa sa isolation facility sa lokal nga panggamhanan human magpositbo sa Covid 19 ang mga nahisgutan. Sumala niya nga parehong mga asymptomatic ang mga nahisgutan kansa gilayong gi-isoalate human migawas ang resulta sa swab test.
Samtang ang ubang trainee nga napa-ilawom sa contact tracing ang padayon sa training sa Regional Training Center gumikan gihatagan usab sila ug kaugalingong isolation facility. Dugang pamahayag ni Police Lt. Col. Capellan nga dili muobos sa 20 ang natalang may direktang kontak sa mga nagpositibo.

Gipaniguro usab sa opisyal nga dili ma-apektuhan ang training sa mga bag-ong recruit luyo pa man sa ihap sa mga nagpositibo ug sa mga kasamtangang naka-isolate. Dako matud pa ang posibilidad nga nakuha sa mga nasangpit ang covid 19 sa ilahang pag-byahe-byahe sakay sa mga pampublikong sakyanan hilabina sa pag-pauli sa ilahang mga panimalay.(LVR)


Facebook Comments