Batan, Aklan – Trauma rong ginabatyag makaron it sangka 4 nga dag-ong una nga babaye matapos nga himuslan it 31-anyos nga eaeaki ko Nobyembre 2 sa sangka lugar sa banwa it Batan, Aklan.
Bangud sa hinyo man ni PO3 Rachel Miral kung WCPD it Batan PNP nga uwa it i-mention nga mga pangaean hay uwa kita it paga mentionon.
Suno kana, Nobyembre 2 mga alas 6:30 rong gabii nag-adto sa Batan PNP rong nanay it biktima ag nag report nga ro anang unga hay gin-abusar ko andang kaeapit.
Sa imbestigasyon naga guwa, nga ro nanay hay nagsag –ob it tubi ko oras ngato ngani ro biktima ag anang magueang nga eaeaki hay ginbilin anay sa andang kaeapit.
Pag uli it nanay, nahaabutan na rong unga nga eaeaki ag ro biktima uwa eot-a. Gintuna nana ro unga nga eaeaki kon siin ro anang manghod ag nagsabat nga nag una eot a mana nay it uli pero uwa sa andang baeay.
Bangud nga maeapit ro andang baeay sa suba, dali-dali nga nag inusoy rong nanay. Samtang nagapaeapit imaw sa may trampahan it tubi sa may suba may nahabatian imaw nga naga tangis nagpundo imaw ag ginpamatian hasta nga nakahambae imaw nga matsa akon ta manang unga ro naga tangis.
Nagpinanaw pa gid imaw hasta ko ulihi hay nahabatian na eon nga naga singgit ro unga it “mama’ ag nabatian nga matsa may kaibahan ro anang unga.
Pagbalikid na sa suba, nakita na ro anang unga nga ginahakwat it suspek sa may tubi. Gin singgitan na nga “ham-an mana it una ta ang unga kimo?”.
Sumakay it baroto rong nanay ag lumibot ag gin eagas ro suspek ugaling naeagyo raya paadto sa may punta it suba kung siin idto ro magueang nga eaeaki it biktima ag dali-dali ng binutang ag dumaeagan.
Tag idto eon ro unga sa nanay, ginkutana ro unga ay naga tinangis. Nagsugid ro unga nga gin angkit it suspek ag ginsupsop ro anang ilokon ag dayon nga ginsueod ra tudlo sa kinatawo it unga.
Pagka aga, nag adto rong suspek sa Batan PNP, para nga klarohon kuno ro anang pangaean ay imaw ro ginapabangdan nga nag himueos sa unga.
Samtang sa police station nakita it unga rong suspek, nagtinangis raya ag matsa ginahadlukan ag ginturo rong suspek nga imaw mana kakon nay ro nag angkit ag nag tuslok.
Gindaea man sa hospital rong unga para kunta ipa medical ugaling indi rong unga bangud nga nahadlok raya rason nga uwa eon pag pilita.
Nakitaan man it mga gas gas ag nina sa eawas rong biktima.
Suno kay PO3 Miral nga rong pahayag it unga ag pagturo sa suspek hay mabahoe nga bagay para nga pasakaan it kaso rong suspek.
Kahapon, gin inquest rong suspek sa kasong “Rape through Sexual Assault”. Insigida man nga gin remit sa Aklan Rehabilitation Center (ARC) rong suspek.
Nasayuran man nga rayang suspek hay problema man it anang nanay ag Batan bangud nga perming hilong, naga maoy ag perming ginapangayuan it police assistance.
