Mokabat sa 400 ka bags of blessing ang giapod-apod sa Metrobank Foundation ug GT Foundation ngadto sa mga piniling benepisyaryo karong buntag.
Matud ni Ma’am Maricar Urot, Branch Head sa Metrobank Main branch sa Corrales Extension ning syudad nga ang mga napiling nahatagan sa bags of blessing gilangkoban sa mga Sendong Victims, nabahaan, senior citizens, manicurista, persons with disability ug uban pa.
Gipasalamatan usab niini ang mga kaabag nga ahensya sama sa Armed Forces of the Philippines, Philippine National Police ug Arcdiocese of Cagayan de Oro kinsa mitabang kanila.
Ang bags of blessing nagkantidad sa usa ka libo ka pesos nga dunay sulod nga lima ka kilong bugas, noodles, canned goods, kape, gatas ug mga chichiria.
Kini na matud pa ang ikaduhang higayon sa pagpanghatag sa bags of blessing dinhi sa dakbayan isip tabang sa mga pamilyang nanginahanglan.
