Davao City – Mamahimong kasuhan ang mga pulis kinsa maoy nakatoka sa nakaikyas nga piniriso atol unta sa pag-proseso sa kaso niini sa piskalya sa Davao niadtong adlawng Huwebes.
Sa interbyu sa RMN Davao kang Talomo PNP Chief of Police PCI Ronald Lao gipaesplekar niya ang duha ka mga pulis nga sila PO1 Conrad Gutierrez II ug SPO2 Arnel Irairte kung nganong nalutsan sila sa maong detainee.
“Gi pre-charge investigation nato unya mafile-an gyod ni sila’g kasong grave neglect of duty kay nganong wala nila tarunga og bantay,” matud ni Lao.
Nagpadayon gihapon ang manhunt operation sa Talomo PNP ngadto sa ni-eskapo nga detainee nga adunay kasong maypalapas sa RA 9165 kun Comprehensive Dangerous Drugs Act nga si Khalid Utak, 50 anyos, taga- Brgy. Lakitan, Madamba, Lanao del Sur.
RadyoMaN Aimee Guinita
