Ginluthang sang naka bonnet nga suspek ang 48 anyos nga lalaki sa Purok Sigay, Brgy. 2 syudad sang Bacolod pasado las sies sini nga gab-i.
Ang biktima ginkilala kay Eduardo Garcia, residente sang Purok Sigay, Brgy. 2 syudad sang Bacolod.
Suno kay Police Capt. Leo Estopa, hepe sang Police Station 2, isa ka lalaki nga nakasuksok sang bonnet nga sakay sa motorsiklo ang nagluthang kay Garcia.
Isa ka lupok ang nabatian sang mga saksi sa lugar kag ila nakita ang biktima nga natumba sa dalan.
Sa imbestigasyon, ang suspek may upod nga naka-una na sa lugar nga naga serbe nga look-out. Matapos ang krimen gilayon nagsakay sa motorsiklo sang gunman ang nasambit nga look-out kag nagpalagyo ang mga suspek padulong norte nga bahin sang nasambit nga lugar.
Gindala naman sa pribado nga ospital ang biktima matapos nakaangkon sang pilas sa ulo.
Padayon pa ang imbestigasyon sang mga kapulisan sang Police Station 2 angut sa motibo sang krimen.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
