General Santos City—Padayon pa ang ginahimong imbestigayson sa kapulisan sa pagpusil patay sa magti-ayong Jose Becera ug Erlyn Becera milabay’ng semana sulod sa ilahang tindahan.
Pag-angkon ni Capt. Brent Ian Salazar, Hepe sa Police TSation 4, nga una ng nadakpan sa CIDG Davao ang biktimang si Jose Becera gumikan sa kasong multiple murder apan na-dismiss.
Sa karon, daghan matud pa ug posibleng mahimong person of interest tungod sa kadaghan sa napatay niini.
Dugang pamahayag ni Capt. Salazar nga gawas sa posibleng pagpanimalos, utang ang ilahang ginatan-aw nga motibo sa pagpatay sa biktima kung asa ginasuta pa kung apil sa target ang iyahang asawa.
Sa karon, ilahang ginapaningkamutan nga maresolba ang maong kaso.
Nasayran nga gika-ingong hired killer ang biktimang si Jose Becera alyas Jojo Putot nga sumala pa lambigit sa managlahing patay sa dakbayan.(LVR)
