Banga, Aklan – Patay ang isang 5 taong gulang na batang lalaki matapos na malunod kahapon sa Aklan river na sakop ng Brgy. Badiangan, Banga, Aklan. Ang biktima ay kinilalang si John Alejo Navarra at residente rin ng nasabing lugar. Base sa imbistigasyon ng Banga PNP, lumalabas na itong biktima at apat pa nitong kapatid ay sumama sa kanilang tatay na si Romel Navarra sa panghuhuli ng isda. Habang doon na sa tubig ang kanilang tatay ay naiwan ang mga bata sa tabing ilog at naglalaro. Nong huli ay nakarinig na lamang ang kanilang tatay ng may sumisigaw at sa kayang pagtingin ay nakita nya ang biktima na nalulunod na at humihingi ng tulong. Dali-dali nya itong pinuntahan at hinabol sa paglangoy kasi tinangay ng agos ang biktima pero hindi na nya naabutan hanggang sa mawala na ito. Agad namang ipinaalam sa mga taga MDRRMO Banga at Banga PNP ang insidente mga alas 10: 45 ng umaga at nagsagawa sila ng search and rescue operation pero hindi agad ito nakita. Mga bandang alas 1:43 na ng hapon nakita ang katawan ng bata na palutang-lutang sa ilog na sakop na ng Brgy. Sigcay sa nasabing bayan. Dinala pa sa hospital ang bata pero idineklara rin itong dead on arrival ng doktor.
