Miabot ngadto sa 55 ka mga kababayen-an didto sa lungsod sa Pangantucan, Bukidnon nga anaa sa reproductive age ang mipahimulos sa libreng pagpataod sa Progestin Sub-Dermal Implant nga gihatag sa Department of Health atol sa Family Planning Outreach program nga gilusad sa Population and Development (PopDev).
Ang maong implant makakontrolar sa wala sa planong pagkaburos sa mga kababayen-an ug aron masunod ang family planning method.
Kini usa ka adlawng programa nga gilusad sa PopDev ug pinaagi sa pakigtimbayayong sa Provincial Health Office-Bukidnon, Commission on Population (PopCom) Region 10 ug lokal nga pangagamhanan sa Pangantucan.
Ang family planning outreach program nga gilusad sa PopDev usa ka tinuig nga programa agi ug pagsunod sa mando sa Responsible Parenthood and Reproductive Health Law (RPRHL).
